‏1 بۇ ئادەمئاتىنىڭ ئەۋلادلىرىنىڭ نەسەبنامىسىدۇر. خۇدا ئادەمنى ياراتقان كۈنى ئۇنى خۇداغا ئوخشايدىغان قىلىپ ياراتتى. ‏2 ئۇ ئۇلارنى ئەر ۋە ئايال قىلىپ يارىتىپ، ئۇلارغا بەرىكەت ئاتا قىلىپ، ئۇلارنى يارىتىلغان كۈنىدە «ئادەم» دەپ ئاتىدى.

‏3 ئادەمئاتا بىر يۈز ئوتتۇز يېشىدا ئۆزىگە ئوخشايدىغان، ئۆز سۈرەت-ئوبرازىدا بىر ئوغۇل پەرزەنت كۆردى. ئۇ ئۇنىڭغا شېت دەپ ئات قويدى. ‏4 شېت تۇغۇلغاندىن كېيىن، ئادەمئاتا يەنە سەككىز يۈز يىل ياشاپ، يەنە ئوغۇل-قىز پەرزەنتلەر كۆردى. ‏5 ئادەمئاتا جەمئىي توققۇز يۈز ئوتتۇز يىل ئۆمۈر كۆرۈپ، ئالەمدىن ئۆتتى.

‏6 شېت بىر يۈز بەش ياشقا كىرگەندە، ئۇنىڭدىن ئېنوش تۆرەلدى. ‏7 ئېنوش تۇغۇلغاندىن كېيىن، شېت يەنە سەككىز يۈز يەتتە يىل ياشاپ، يەنە ئوغۇل-قىز پەرزەنتلەر كۆردى. ‏8 شېت جەمئىي توققۇز يۈز ئون ئىككى يىل ئۆمۈر كۆرۈپ، ئالەمدىن ئۆتتى.

‏9 ئېنوش توقسان ياشقا كىرگەندە، ئۇنىڭدىن قېنان تۆرەلدى. ‏10 قېنان تۇغۇلغاندىن كېيىن، ئېنوش يەنە سەككىز يۈز ئون بەش يىل ياشاپ، يەنە ئوغۇل-قىز پەرزەنتلەر كۆردى. ‏11 ئېنوش جەمئىي توققۇز يۈز بەش يىل ئۆمۈر كۆرۈپ، ئالەمدىن ئۆتتى.

‏12 قېنان يەتمىش ياشقا كىرگەندە، ئۇنىڭدىن ماھالالەل تۆرەلدى. ‏13 ماھالالەل تۇغۇلغاندىن كېيىن، قېنان يەنە سەككىز يۈز قىرىق يىل ياشاپ، يەنە ئوغۇل-قىز پەرزەنتلەر كۆردى. ‏14 قېنان جەمئىي توققۇز يۈز ئون يىل ئۆمۈر كۆرۈپ، ئالەمدىن ئۆتتى.

‏15 ماھالالەل ئاتمىش بەش ياشقا كىرگەندە، ئۇنىڭدىن يارەد تۆرەلدى. ‏16 يارەد تۇغۇلغاندىن كېيىن، ماھالالەل يەنە سەككىز يۈز ئوتتۇز يىل ياشاپ، يەنە ئوغۇل-قىز پەرزەنتلەر كۆردى. ‏17 ماھالالەل جەمئىي سەككىز يۈز توقسان بەش يىل ئۆمۈر كۆرۈپ، ئالەمدىن ئۆتتى.

‏18 يارەد بىر يۈز ئاتمىش ئىككى ياشقا كىرگەندە، ئۇنىڭدىن خانوك تۆرەلدى. ‏19 خانوك تۇغۇلغاندىن كېيىن، يارەد يەنە سەككىز يۈز يىل ياشاپ، يەنە ئوغۇل-قىز پەرزەنتلەر كۆردى. ‏20 يارەد جەمئىي توققۇز يۈز ئاتمىش ئىككى يىل ئۆمۈر كۆرۈپ، ئالەمدىن ئۆتتى.

‏21 خانوك ئاتمىش بەش ياشقا كىرگەندە، ئۇنىڭدىن مەتۇشەلاھ تۆرەلدى. ‏22 مەتۇشەلاھ تۇغالغاندىن كېيىن، خانوك ئۈچ يۈز يىلغىچە خۇداغا يېقىن ياشاپ، ئۇنىڭ يولىدا ماڭدى. ئۇ يەنە ئوغۇل-قىز پەرزەنتلەر كۆردى. ‏23 خانوك جەمئىي ئۈچ يۈز ئاتمىش بەش يىل ئۆمۈر كۆردى. ‏24 خانوك خۇداغا يېقىن ياشاپ ئۇنىڭ يولىدا مېڭىپ، غايىب بولۇپ كەتتى. چۈنكى خۇدا ئۇنى ئېلىپ كەتكەنىدى.

‏25 مەتۇشەلاھ بىر يۈز سەكسەن يەتتە ياشقا كىرگەندە، ئۇنىڭدىن لامەك تۆرەلدى. ‏26 لامەك تۇغۇلغاندىن كېيىن، مەتۇشەلاھ يەنە يەتتە يۈز سەكسەن ئىككى يىل ياشاپ، يەنە ئوغۇل-قىز پەرزەنتلەر كۆردى. ‏27 مەتۇشەلاھ جەمئىي توققۇز يۈز ئاتمىش توققۇز يىل ئۆمۈر كۆرۈپ، ئالەمدىن ئۆتتى.

‏28 لامەك بىر يۈز سەكسەن ئىككى ياشقا كىرگەندە بىر ئوغۇل پەرزەنت كۆرۈپ، ‏29 ئۇنىڭ ئىسمىنى نۇھ دەپ قويۇپ: «بۇ بالا بىز خۇدانىڭ لەنىتىگە ئۇچرىغان يەردە ئىشلىگىنىمىزدە، قوللىرىمىزنىڭ مۇشەققەتلىك مېھنىتىگە تەسەللى بولىدۇ» دېدى. ^■   ‏30 نۇھ تۇغۇلغاندىن كېيىن، لامەك يەنە بەش يۈز توقسان بەش يىل ياشاپ، يەنە ئوغۇل-قىز پەرزەنتلەر كۆردى. ‏31 لامەك جەمئىي يەتتە يۈز يەتمىش يەتتە يىل ئۆمۈر كۆرۈپ، ئالەمدىن ئۆتتى.

‏32 نۇھ بەش يۈز ياشقا كىرگەندىن كېيىن، ئۇنىڭدىن شېم، خام ۋە يافەت تۆرەلدى.