بەنى ئىسرائىلنىڭ جامائەت چېدىرىنىڭ چۆرىسىدە ئورۇنلاشتۇرۇشى
2
1 پەرۋەردىگار مۇسا ۋە ھارۇنغا سۆز قىلىپ مۇنداق دېدى: 2 «بەنى ئىسرائىلنىڭ ھەربىرى ئۆز تۇغىنىڭ ئاستىدا، ئاتا جەمەتىنىڭ خاس تۇغلىرىنىڭ ئاستىدا چېدىر تىكسۇن. ئۇلار ئۇچرىشىش چېدىرىدىن بىرئاز يىراقراق ئۇنىڭ چۆرىسىدە چېدىرلىرىنى تىكسۇن. ■
3 شەرق تەرەپكە قاراپ كۈن چىقىش تەرىپىدە يەھۇدا قەبىلىسى ئۆز تۇغىنىڭ ئاستىدا، قوشۇنىنىڭ قىسىملىرى بويىچە چېدىر-بارگاھ تىكسۇن. ئامىنادابنىڭ ئوغلى ناھشون يەھۇدا قەبىلىسىنىڭ باشلىقىدۇر. 4 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي يەتمىش تۆت مىڭ ئالتە يۈز كىشىدۇر.
5 ئۇنىڭ يېنىدا ئىسساكار قەبىلىسى چېدىر-بارگاھ تىكسۇن. زوئارنىڭ ئوغلى نەتانەل ئىسساكارنىڭ قەبىلىسىنىڭ باشلىقىدۇر. 6 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي ئەللىك تۆت مىڭ تۆت يۈز كىشىدۇر.
7 زەبۇلۇن قەبىلىسىمۇ ئۇلارنىڭ يېنىدا چېدىر-بارگاھ تىكسۇن. خېلوننىڭ ئوغلى ئەلىئاب زەبۇلۇن قەبىلىسىنىڭ باشلىقىدۇر. 8 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي ئەللىك يەتتە مىڭ تۆت يۈز كىشىدۇر.
9 يەھۇدانىڭ بارگاھىدىكى ئۆز قوشۇن قىسىملىرى بويىچە ساناقتىن ئۆتكۈزۈلگەنلەر جەمئىي بىر يۈز سەكسەن ئالتە مىڭ تۆت يۈز كىشىدۇر. ئۇلار كۆچكىنىدە ئالدىدا ماڭسۇن.
10 جەنۇب تەرەپتە رۇبەن قەبىلىسى ئۆز تۇغىنىڭ ئاستىدا، قوشۇنىنىڭ قىسىملىرى بويىچە چېدىر-بارگاھ تىكسۇن. شېدېئۇرنىڭ ئوغلى ئەلىزۇر رۇبەن قەبىلىسىنىڭ باشلىقىدۇر. 11 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي قىرىق ئالتە مىڭ بەش يۈز كىشىدۇر.
12 ئۇنىڭ يېنىدا شىمون قەبىلىسى چېدىر-بارگاھ تىكسۇن. زۇرىشاداينىڭ ئوغلى شېلۇمىئەل شىمون قەبىلىسىنىڭ باشلىقىدۇر. 13 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي ئەللىك توققۇز مىڭ ئۈچ يۈز كىشىدۇر.
14 گاد قەبىلىسىمۇ ئۇلارنىڭ يېنىدا چېدىر-بارگاھ تىكسۇن. رېھۇئەلنىڭ ئوغلى ئەلياساف گاد قەبىلىسىنىڭ باشلىقىدۇر. 15 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي قىرىق بەش مىڭ ئالتە يۈز ئەللىك كىشىدۇر.
16 رۇبەننىڭ بارگاھىدىكى ئۆز قوشۇن قىسىملىرى بويىچە ساناقتىن ئۆتكۈزۈلگەنلەر جەمئىي بىر يۈز ئەللىك بىر مىڭ تۆت يۈز ئەللىك كىشىدۇر. ئۇلار كۆچكىنىدە ئىككىنچى قاتاردا ماڭسۇن.
17 لاۋىيلار، ئالدىنكى قوشۇنلار قوزغالغاندىن كېيىن، ئۇچرىشىش چېدىرىنى ئېلىپ قوزغىلىپ قوشۇنلارنىڭ ئوتتۇرىسىدا ماڭسۇن. چېدىر-بارگاھ تىككەن تەرتىپ بويىچە، كۆچىدىغان ۋاقتىدا ھەر كىشى ئۆز جايىدا ئۆز تۇغىنىڭ ئاستىدا ماڭسۇن.
18 غەرب تەرەپتە ئەفرائىم قەبىلىسى ئۆز تۇغىنىڭ ئاستىدا، قوشۇنىنىڭ قىسىملىرى بويىچە چېدىر-بارگاھ تىكسۇن. ئاممىھۇدنىڭ ئوغلى ئەلىشاما ئەفرائىم قەبىلىسىنىڭ باشلىقىدۇر. 19 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي قىرىق مىڭ بەش يۈز كىشىدۇر.
20 ئۇنىڭ يېنىدا ماناسسە قەبىلىسى چېدىر-بارگاھ تىكسۇن. پېداھسۇرنىڭ ئوغلى گاملىئەل ماناسسە قەبىلىسىنىڭ باشلىقىدۇر. 21 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي ئوتتۇز ئىككى مىڭ ئىككى يۈز كىشىدۇر.
22 بەنيامىن قەبىلىسىمۇ ئۇلارنىڭ يېنىدا چېدىر-بارگاھ تىكسۇن. گىدېئونىنىڭ ئوغلى ئابىدان بەنيامىن قەبىلىسىنىڭ باشلىقىدۇر. 23 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي ئوتتۇز بەش مىڭ تۆت يۈز كىشىدۇر.
24 ئەفرائىمنىڭ بارگاھىدىكى ئۆز قوشۇن قىسىملىرى بويىچە ساناقتىن ئۆتكۈزۈلگەنلەر جەمئىي بىر يۈز سەككىز مىڭ بىر يۈز كىشىدۇر. ئۇلار كۆچكىنىدە ئۈچىنچى قاتاردا ماڭسۇن.
25 غەرب تەرەپتە دان قەبىلىسى ئۆز تۇغىنىڭ ئاستىدا، قوشۇنىنىڭ قىسىملىرى بويىچە چېدىر-بارگاھ تىكسۇن. ئامىشاداينىڭ ئوغلى ئاخىئەزەر دان قەبىلىسىنىڭ باشلىقىدۇر. 26 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي ئاتمىش ئىككى مىڭ يەتتە يۈز كىشىدۇر.
27 ئۇنىڭ يېنىدا ئاشەر قەبىلىسى چېدىر-بارگاھ تىكسۇن. ئوكراننىڭ ئوغلى پاگىئەل ئاشەر قەبىلىسىنىڭ باشلىقىدۇر. 28 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي قىرىق بىر مىڭ بەش يۈز كىشىدۇر.
29 نافتالى قەبىلىسىمۇ ئۇلارنىڭ يېنىدا چېدىر-بارگاھ تىكسۇن. ئېناننىڭ ئوغلى ئاخىرا نافتالى قەبىلىسىنىڭ باشلىقىدۇر. 30 ئۇنىڭ قوشۇنى، يەنى ساناقتىن ئۆتكۈزۈلگەنلەر، جەمئىي ئەللىك ئۈچ مىڭ تۆت يۈز كىشىدۇر.
31 داننىڭ بارگاھىدىكى ساناقتىن ئۆتكۈزۈلگەنلەر جەمئىي بىر يۈز ئەللىك يەتتە مىڭ ئالتە يۈز كىشىدۇر. ئۇلار كۆچكىنىدە ئۆز تۇغىنىڭ ئاستىدا ھەممىنىڭ كەينىدە ماڭسۇن».
32 مەزكۇرلار ئاتا جەمەتلىرى بويىچە بەنى ئىسرائىلنىڭ ئىچىدىن ساناقتىن ئۆتكۈزۈلۈپ سانالغانلار ئىدى. بارگاھلاردا ئۆز قوشۇن قىسىملىرى بويىچە سانالغانلار جەمئىي ئالتە يۈز ئۈچ مىڭ بەش يۈز ئەللىك كىشى ئىدى.
33 ئەمما لاۋىيلار پەرۋەردىگارنىڭ مۇساغا بۇيرۇغىنىدەك قالغان بەنى ئىسرائىل بىلەن بىللە ساناقتىن ئۆتكۈزۈلمىدى.
34 بەنى ئىسرائىل پەرۋەردىگارنىڭ مۇساغا بۇيرۇغىنىنىڭ ھەممىسىگە ئەمەل قىلىپ، ئۆز تۇغلىرىنىڭ ئاستىدا چېدىر-بارگاھ تىكەتتى ۋە ھەربىرى ئۆز ئائىلە-جەمەتى بويىچە قوزغىلىپ ماڭاتتى.