‏1 يەھۇدا قەبىلىسىگە جەمەتلىرى بويىچە چەك ئارقىلىق تەقسىم قىلىپ بېرىلگەن زېمىن جەنۇبتا ئېدومنىڭ چېگرىسىغا تۇتىشىپ، ئەڭ جەنۇب تەرىپىدە زىن چۆلىگە ئۇلاشقانىدى. ‏2 جەنۇبىي چېگرىسى شور دېڭىز ئايىغىدىكى جەنۇب تەرەپكە قارايدىغان دېڭىز قولتۇقىدىن باشلىنىپ، ‏3 چايان داۋىنىدىن جەنۇبقا مېڭىپ، زىندىن ئۆتۈپ، قادەش-بارنېئانىڭ جەنۇب تەرىپىدىن، خەزروننى ياقىلاپ ئادارغا چىقىپ، ئاندىن كاركا تەرەپكە قايرىلىپ، ‏4 ئازموندىن ئۆتۈپ، مىسىرنىڭ ۋادىسىغىچە سوزۇلۇپ، ئۇچى دېڭىزغا بېرىپ تۇتاشتى. بۇ ئۇلارنىڭ جەنۇبىي چېگرىسىدۇر. ^■  

‏5 شەرق تەرەپتىكى چېگرىسى بولسا، شور دېڭىزنى بويلاپ، ئىئوردان دەرياسى ئېغىزىغىچە ئىدى. شىمال تەرەپتىكى چېگرىسى شور دېڭىز قولتۇقىدىن، ئىئوردان دەرياسىنىڭ ئېغىزىدىن باشلىنىپ، ‏6 بەيت-خوگلاغا بېرىپ، بەيت-ئارابانىڭ شىمال تەرىپىدىن ئۆتۈپ، رۇبەننىڭ ئوغلى بوھاننىڭ تېشىغا چىقىپ، ‏7 ئاندىن ئاكور ۋادىسى بىلەن ئۆتۈپ دېبىرغا چىقىپ، ئۇ يەردىن شىمال تەرەپكە ئىلگىرىلەپ ۋادىنىڭ جەنۇب تەرىپىدىكى ئادۇمىم داۋىنىنىڭ ئۇدۇلىدىكى گىلگالغا يېتىپ بېرىپ، ئاندىن شەمەش بۇلىقىنىڭ سۇلىرىدىن ئۆتۈپ روگېل بۇلىقىغا تۇتىشاتتى، ‏8 ئاندىن ئۇ يەردىن بەن-ھىننوم ۋادىسى بىلەن مېڭىپ، يەبۇس ئېگىزلىكىدىن، يەنى يېرۇسالېمنىڭ جەنۇب تەرىپىدىن ئۆتۈپ، ھىننوم ۋادىسىنىڭ غەرب تەرىپىدە ۋادىنىڭ ئۇدۇلىدا، رېفائىم ۋادىسىنىڭ شىمالىي ئۇچىدىكى تاغنىڭ چوققىسىغىچە يېتىپ باردى. ‏9 ئاندىن بۇ تاغنىڭ چوققىسىدىن نېفتوئاھ سۈيىنىڭ بۇلىقىغا بېرىپ، ئەفرون تېغىدىكى شەھەرلەرنىڭ يېنى بىلەن چىقىپ، ئۇ يەردىن قىريات-يېئارىم دەپ ئاتالغان بائالاغىچە كېلىپ، ‏10 بائالادىن ئۆتۈپ غەرب تەرەپكە قايرىلىپ، سېئىر تېغىغا بېرىپ، كېسالون دەپ ئاتالغان يېئارىم تېغىنىڭ شىمال تەرىپىدىن ئۆتۈپ، بەيت-شەمەشكە چۈشۈپ، تىمناھتىن ئۆتۈپ، ‏11 شىمالغا قاراپ ئەقروننىڭ يېنى بىلەن چىقىپ، شىكروندىن ئۆتۈپ بائالا تېغىنىڭ يېنى بىلەن بېرىپ، يابنەئەلگە ئۇلىشىپ، ئۇچى دېڭىزغا تاقاشقانىدى.

‏12 غەرپ تەرەپتىكى چېگرىسى ئۇلۇغ دېڭىز بويلىرى ئىدى. يەھۇدا قەبىلىسىنىڭ ئۇلارنىڭ جەمەتلىرى بويىچە تۆت ئەتراپىدىكى چېگرىلىرى شۇ ئىدى.

‏13 پەرۋەردىگارنىڭ يەشۇئاغا بەرگەن بۇيرۇقى بويىچە يەفۇننەنىڭ ئوغلى كالەبكە يەھۇدا قەبىلىسىنىڭ ئارىسىدا بىر ئۈلۈش بېرىلدى. ئۇنىڭغا كىريات-ئاربا، يەنى خېبرون ئاتا قىلىندى. ئاربا بولسا ئاناقنىڭ ئاتىسى ئىدى. ^■   ‏14 كالەب ئاناقنىڭ ئەۋلادلىرىنى، يەنى ئاناقنىڭ شېشاي، ئاخىمان ۋە تالماي دېگەن ئۈچ ئوغلىنى ئۇ يەردىن قوغلاپ چىقاردى. ‏15 ئاندىن ئۇ شۇ يەردىن دېبىر خەلقىگە قارشى يولغا چىقتى. دېبىر قەدىمكى زاماندا قىريات-سېفەر دەپ ئاتالغانىدى. ‏16 كالەب: «كىمكى قىريات-سېفەرگە ھۇجۇم قىلىپ شەھەرنى ئالسا، ئۇنىڭغا قىزىم ئاكسانى خوتۇنلۇققا بېرىمەن» دېدى. ‏17 كالەبنىڭ ئۇكىسى قېنازنىڭ ئوغلى ئوتنىئەل شەھەرنى ئالدى. كالەب ئۇنىڭغا قىزى ئاكسانى خوتۇنلۇققا بەردى. ‏18 ئۇ ئېرىنىڭ قېشىغا بارغاندا، ئۇنىڭدىن ئۆز ئاتىسىدىن بىر پارچە يەر سورىشىنى تەلەپ قىلدى. قىز ئېشەكتىن چۈشكىنىدە، كالەب ئۇنىڭدىن: «بىرەر تەلىپىڭ بارمۇ؟» دەپ سورىدى. ‏19 ئۇ جاۋاب بېرىپ: «سەن ماڭا جەنۇب تەرەپتىكى قۇرۇق يەرنى بەرگەن ئىكەنسەن. سۇ بۇلاقلىرىنىمۇ قوشۇپ بەرگىن» دېدى. شۇنىڭ بىلەن كالەب يۇقىرىدىكى ۋە تۆۋەندىكى بۇلاقلارنى ئۇنىڭغا بەردى.

‏20 يەھۇدا قەبىلىسىگە ئۇلارنىڭ جەمەتلىرى بويىچە تەگكەن مىراس ھەسسىسى تۆۋەندىكىچە:

‏21 يەھۇدا قەبىلىسىنىڭ ئېدوم چېگرىسى تەرەپتىكى، جەنۇبىي زېمىنىغا جايلاشقان شەھەرلىرى: قابسەئەل، ئېدەر، ياگۇر، ‏22 كىنا، دىمونا، ئادادا، ‏23 قادەش، خازور، يىتنان، ‏24 زىف، تېلەم، بېئالوت، ‏25 خازور-خەداتا، قىرىيوت، خەزرون، يەنى خازور، ‏26 ئامام، شەما، مولادا، ‏27 خازار-گاددا، خېشمون، بەيت-پېلەت، ‏28 خازار-شۇئال، بەئەرشېبا، بىزيوتيا، ‏29 بائالا، ئىيىم، ئېسەم، ‏30 ئەلتولاد، كېسىل، خورماھ، ‏31 زىقلاگ، مادماننا، سانساننا، ‏32 لېبائوت، شىلخىم، ئايىن ۋە رىممون بولۇپ، جەمئىي يىگىرمە توققۇز شەھەر ۋە ئۇلارغا تەۋە كەنتلەر.

‏33 غەربىي ئويمانلىقتىكى شەھەرلەر بولسا: ئەشتائول، زورا، ئاشناھ، ‏34 زانوئاھ، ئەن-گاننىم، تاپپۇئاھ، ئەنام، ‏35 يارمۇت، ئادۇللام، سوكوھ، ئازېقا، ‏36 شائارايىم، ئادىتايىم، گەدەرا ۋە گەدەروتايىم بولۇپ، جەمئىي ئون تۆت شەھەر ۋە ئۇلارغا تەۋە كەنتلەر.

‏37 بۇنىڭدىن باشقا، زېنان، خاداشا، مىگدەل-خاد، ‏38 دىلېئان، مىسپاھ، يوقتەئەل، ‏39 لاكىش، بوزقات، ئېگلون، ‏40 كاببون، لاخمام، كىتلىش، ‏41 گېدېروت، بەيت-داگون، نائاما، ۋە ماققېدا بولۇپ، جەمئىي ئون ئالتە شەھەر ۋە ئۇلارغا تەۋە كەنتلەر.

‏42 لىبنا، ئېتەر، ئاشان، ‏43 يىپتاھ، ئاشناھ، نېزىب، ‏44 قېئىلا، ئاكزىب ۋە مارەشا بولۇپ، جەمئىي توققۇز شەھەر ۋە ئۇلارغا تەۋە كەنتلەر.

‏45 ئەقرون ۋە ئۇنىڭغا تەۋە يېزا-كەنتلەر، ‏46 ئەقروندىن تارتىپ دېڭىزغىچە ئاشدودنىڭ يېنىدىكى بارلىق شەھەرلەر ۋە ئۇلارغا تەۋە كەنتلەر، ‏47 ۋە يەنە ئاشدود شەھىرى ۋە ئۇنىڭغا تەۋە يېزا-كەنتلەر، گازا شەھىرى ۋە مىسىر ۋادىسىغىچە ۋە ئۇلۇغ دېڭىز قىرغىقىغىچە بولغان زېمىندىكى گازاغا تەۋە يېزا-كەنتلەر.

‏48 تاغلىقلاردىكى شەھەرلەر: شامىر، ياتتىر، سوكوھ، ‏49 دانە، قىريات-سەنە، يەنى دېبىر، ‏50 ئاناب، ئەشتەموئا، ئانىم، ‏51 گوشەن، خولون ۋە گىلو بولۇپ، جەمئىي ئون بىر شەھەر ۋە ئۇلارغا تەۋە كەنتلەر.

‏52 بۇنىڭدىن باشقا، ئاراب، دۇما، ئېشان، ‏53 يانىم، بەيت-تاپپۇئاھ، ئاپېقا، ‏54 خۇمتا، قىريات-ئاربا، يەنى خېبرون، ۋە زىيور بولۇپ، جەمئىي توققۇز شەھەر ۋە ئۇلارغا تەۋە كەنتلەر.

‏55 مائون، كارمەل، زىف، يۇتتا، ‏56 يىزرەئەل، يوقدېئام، زانوئاھ، ‏57 قايىن، گىبېئا ۋە تىمناھ بولۇپ، جەمئىي ئون شەھەر ۋە ئۇلارغا تەۋە كەنتلەر.

‏58 خالخۇل، بەيت-زۇر، گەدور، ‏59 مائارات، بەيت-ئانوت ۋە ئەلتەكون بولۇپ، جەمئىي ئالتە شەھەر ۋە ئۇلارغا تەۋە كەنتلەر.

‏60 قىريات-بائال، يەنى قىريات-يېئارىم ۋە راببا دېگەن ئىككى شەھەر ۋە ئۇلارغا تەۋە كەنتلەر.

‏61 چۆلدىكى شەھەرلەر: بەيت-ئارابا، مىددىن، سېكاكا، ‏62 نىبشان، تۇز شەھىرى ۋە ئەن-گەدى بولۇپ، جەمئىي ئالتە شەھەر ۋە ئۇلارغا تەۋە كەنتلەر.

‏63 لېكىن يېرۇسالېمدا ئولتۇرۇشلۇق يەبۇسىيلار بولسا، يەھۇدا قەبىلىسى ئۇلارنى قوغلاپ چىقىرىۋېتەلمىگەچكە، بۈگۈنكى كۈنگىچە يەھۇدا قەبىلىسى بىلەن بىللە يېرۇسالېمدا ياشاپ كەلمەكتە.