زەبۇر
بىرىنچى بۆلۈم - زەبۇر 1-41
1
1 كىمكى يامانلارنىڭ مەسلىھەتىگە قۇلاق سالماي، گۇناھكارلارنىڭ يولىدا تۇرماي،
مەسخىرە قىلغۇچىلارنىڭ مەجلىسىدىمۇ ئولتۇرماي،
2 بەلكى پەرۋەردىگارنىڭ تەۋرات قانۇنىدىن شادلىنىپ،
كېچە-كۈندۈز ئۇنى ئويلاپ تۇرسا، بەختلىك بولۇر! ■
3 ئۇ سۇ ئېرىقلىرىنىڭ بويىغا تىكىلگەن،
ئۆز ۋاقتىدا مېۋىسىنى بېرىدىغان،
يوپۇرماقلىرى سولاشمايدىغان دەرەختەكتۇر.
ئۇ نېمە قىلسا، مۇۋەپپەقىيەتلىك بولۇر.
4 يامانلار ئۇنداق ئەمەس.
ئۇلار شامال توزۇتۇۋەتكەن سامانغا ئوخشايدۇ.
5 شۇنىڭ ئۈچۈن يامانلار ھۆكۈم كۈنىدە تىك تۇرالماس.
گۇناھكارلارغا ھەققانىيلار جامائىتىدە ئورۇن بولماس.
6 چۈنكى پەرۋەردىگار ھەققانىيلارنىڭ يولىنى بىلىدۇ،
ئەمما يامانلارنىڭ يولى ھالاكەتكە ئۇچرايدۇ.