3
1 داۋۇد ئۆز ئوغلى ئابشالومدىن قاچقان ۋاقتىدا يازغان مەدھىيە ناخشىسى. 2 ئەي پەرۋەردىگار، دۈشمەنلىرىم نەقەدەر كۆپەيدى.
نۇرغۇنلىرى قارشى چىقتى ماڭا!
3 نۇرغۇنلار مەن توغرۇلۇق:
«خۇدادىن ئۇنىڭغا نىجاتلىق يوقتۇر!» دېيىشىدۇ.
سېلاھ. ■
4 ئەمما سەن، ئەي پەرۋەردىگار، ماڭا قالقاندۇرسەن،
مېنىڭ شان-شەرىپىمسەن،
مېنىڭ بېشىمنى كۆتۈرگۈچىسەن.
5 ئاۋازىم بىلەن پەرۋەردىگارغا پەرياد قىلىمەن،
ئۇ ماڭا مۇقەددەس تېغىدىن جاۋاب بېرىدۇ.
سېلاھ.
6 ياتتىم ئۇخلىدىم، يەنە ئويغاندىم،
چۈنكى پەرۋەردىگار مەدەتكار ماڭا.
7 قورقماسمەن مېنى قورشاپ سەپ تۈزگەن
تۈمەنلىگەن ئادەمدىن.
8 قوزغال، ئەي پەرۋەردىگار!
قۇتقۇز مېنى، ئەي خۇدايىم!
ھەممە دۈشمەنلىرىمنىڭ ئېڭىكىگە ئۇرىسەن،
يامانلارنىڭ چىشلىرىنى سۇندۇرىسەن.
9 نىجاتلىق پەرۋەردىگاردىندۇر،
خەلقىڭ ئۈستىگە بەرىكىتىڭ قونىدۇ.
سېلاھ.