26
1 داۋۇد يازغان ناخشا. ئەي پەرۋەردىگار، ماڭا ئادىل ھۆكۈم چىقارغىن،
چۈنكى مەن ھەققانىيلىقىمنى ساقلاپ ماڭىمەن.
مەن پەرۋەردىگارغا تايىنىمەن، تەۋرەنمەيمەن.
2 ئەي پەرۋەردىگار، سىنا مېنى، ئىسپاتلا مېنى،
پاكلا بۆرەكلىرىم ۋە يۈرىكىمنى. ■
3 چۈنكى سېنىڭ مېھىر-شەپقىتىڭ كۆزلىرىمنىڭ ئالدىدا بولغاچ،
ھەقىقىتىڭدە ماڭىمەن.
4 مەن يالغانچىلار بىلەن ئولتۇرمايمەن،
ساختىپەزلەر بىلەن ئارىلاشمايمەن.
5 پاسىقلارنىڭ جامائىتىدىن نەپرەتلىنىمەن،
يامانلار بىلەن ئولتۇرمايمەن.
6 ئەي پەرۋەردىگار، مەن قوللىرىمنى پاكلىقتا يۇيىمەن،
قۇربانلىق سۇپاڭنىڭ ئەتراپىنى ئايلىنىمەن.
7 مىننەتدارلىق بىلەن يۇقىرى ئاۋازدا
پۈتۈن كارامەتلىرىڭنى بايان قىلىمەن.
8 ئەي پەرۋەردىگار، مەن سېنىڭ بەيتىڭنى،
شان-شەرىپىڭنىڭ ماكانىنى سۆيىمەن.
9 سەن جېنىمنى گۇناھكارلارغا قوشمىغىن،
ھاياتىمنى قان تۆككۈچى كىشىلەر بىلەن بىر قاتاردا ئېلىپ كەتمىگىن.
10 چۈنكى ئۇلارنىڭ قوللىرىدا شۇملۇق باردۇر،
ئوڭ قوللىرى پارا بىلەن تولغان.
11 لېكىن مەن دۇرۇسلۇقۇمدا ماڭىمەن.
قۇتقۇز مېنى، ئىلتىپات قىل ماڭا.
12 مېنىڭ پۇتۇم تۈز يەردە تۇرىدۇ،
مەن جامائەتلەر ئىچىدە پەرۋەردىگارغا ھەمدۇسانا ئېيتىمەن.