47
1 نەغمىچىلەرنىڭ بېشىغا تاپشۇرۇلسۇن دەپ، قوراھ ئوغۇللىرى يازغان مەدھىيە ناخشىسى. 2 ئەي بارلىق خەلقلەر، چاۋاك چېلىشىپ ئالقىشلاڭلار،
يۇقىرى ئاۋازدا خۇدانى مەدھىيىلەڭلار.
3 چۈنكى ھەممىدىن ئۇلۇغ پەرۋەردىگار بەھەيۋەتتۇر،
ئۇ پۈتۈن يەر يۈزىگە پادىشاھتۇر.
4 ئۇ خەلقلەرنى بىزگە بويسۇندۇردى،
ئەللەرنى پۇتلىرىمىزنىڭ ئاستىغا تىزدى.
5 ئۇ ئۆزى سۆيگەن ياقۇبنىڭ پەخرى بولغان مىراس يېرىمىزنى
تاللاپ بىزگە بەردى.
سېلاھ.
6 خۇدا تەنەنە سادالىرى ئىچىدە يۇقىرىغا كۆتۈرۈلدى،
بۇرغا سادالىرى ئىچىدە پەرۋەردىگار يۇقىرىغا ئۆرلىدى. ■
7 سىلەر مەدھىيە ناخشىلىرىنى ئوقۇڭلار،
خۇداغا ھەمدۇسانا ئېيتىڭلار.
مەدھىيە ناخشىلىرىنى ئوقۇپ،
پادىشاھىمىزغا ھەمدۇسانا ئېيتىڭلار.
8 چۈنكى خۇدا پۈتۈن يەر يۈزىنىڭ پادىشاھىدۇر.
ئۇنىڭغا مەسمۇنلۇق مەدھىيە ناخشىلىرىنى ئېيتىڭلار.
9 خۇدا ئەللەرنىڭ ئۈستىدىن ھۆكۈمرانلىق قىلىدۇ.
خۇدا ئۆزىنىڭ مۇقەددەس تەختىدە ئولتۇرىدۇ.
10 ئەللەرنىڭ ئېسىلزادىلىرى يىغىلىپ،
ئىبراھىمنىڭ خۇداسىنىڭ خەلقىگە قوشۇلىدۇ.
چۈنكى يەر يۈزىنىڭ قالقانلىرى خۇدانىڭكىدۇر.
ئۇ ھەممىدىن ئۈستۈندۇر. ■