‏1 داۋۇد يازغان مەدھىيە ناخشىسى.

پەرۋەردىگار مېنىڭ رەببىمگە:

«مەن سېنىڭ دۈشمەنلىرىڭنى پۇتلىرىڭ ئاستىغا قويغانغا قەدەر

مېنىڭ ئوڭ يېنىمدا ئولتۇرغىن» دېدى.

‏2 پەرۋەردىگار سېنىڭ سەلتەنەت ھاساڭنى سىئوندىن ئەۋەتىدۇ.

سەن دۈشمەنلىرىڭنىڭ ئارىسىدا ھۆكۈم سۈرگىن.

‏3 كۈچۈڭنى كۆرسىتىدىغان كۈندە خەلقىڭ

پىدائىي بولۇپ تەييار بولىدۇ.

مۇقەددەس شان-شەرەپتە چىققان يىگىتلىرىڭ

تاڭنىڭ باغرىدىكى شەبنەمدەك كۆرۈنىدۇ.

‏4 پەرۋەردىگار قەسەم قىلىپ:

«سەن مەلكىسەدىقنىڭ قاتارىدا

ئەبەدىلئەبەد كاھىن بولىسەن»

دېگەن سۆزىدىن ھەرگىز يانمايدۇ.

‏5 رەببىمىز سېنىڭ ئوڭ يېنىڭدا.

ئۇنىڭ غەزىپى كەلگەن كۈندە

ئۇ پادىشاھلارنى ئۇرۇپ پارە-پارە قىلىدۇ.

‏6 ئۇ ئەللەر ئارىسىدا ھۆكۈم چىقىرىپ،

يەرنى ئۆلۈكلەر بىلەن تولدۇرىدۇ.

ئۇ نۇرغۇنلىغان مەملىكەتلەرنىڭ باشلىرىنى ئېزىدۇ. ^■  

‏7 ئۇ يولدا ئېقىندىن سۇ ئىچىدۇ،

شۇنىڭ بىلەن كۈچ كىرىپ بېشىنى كۆتۈرىدۇ.