113
1 پەرۋەردىگارغا ھەمدۇسانالار بولسۇن! مەدھىيىلەڭلار پەرۋەردىگارنىڭ خىزمەتكارلىرى،
پەرۋەردىگارنىڭ نامىغا ھەمد ئېيتىڭلار.
2 پەرۋەردىگارنىڭ نامى ھازىردىن ئەبەدكىچە مەدھىيىلەنسۇن.
3 كۈن چىقىشتىن كۈن پېتىشقىچە
پەرۋەردىگارنىڭ نامىغا ھەمد ئېيتىلسۇن.
4 پەرۋەردىگار ھەممە خەلقلەر ئۈستىدە تۇرار،
ئۇنىڭ شان-شەرىپى ئاسمانلاردىن ئاشار.
5 ئەرشتە ئولتۇرغۇچى پەرۋەردىگار خۇدايىمىزغا كىممۇ ئوخشار؟
6 ئۇ يۇقىرىدىن قاراپ، ئاسمان ۋە يەرگە نەزەر سالار.
7 ئۇ بىچارىلەرنى توپىدىن كۆتۈرۈپ تۇرغۇزار،
مىسكىنلەرنى مەينەتتىن چىقىرىۋالار.
8 ئۇلارنى ئېسىلزادىلەر قاتارىدا،
ئۆز خەلقىنىڭ ئېسىلزادىلىرىنىڭ يېنىغا ئولتۇرغۇزار.
9 ئۇ تۇغماس ئايالنى ئۆيدە بالىلىرى بىلەن
بەختلىك ياشايدىغان ئانا قىلار.
پەرۋەردىگارغا ھەمدۇسانالار بولسۇن!