121
1 يۇقىرىغا چىقىش ناخشىسى. بېشىمنى كۆتۈرۈپ تاغلارغا قارايمەن.
ماڭا ياردەم قەيەردىن كېلەر؟
2 ماڭا ياردەم ئاسمان بىلەن يەرنى ياراتقان پەرۋەردىگاردىن كېلەر.
3 ئۇ پۇتۇڭ تېيىلىپ كېتىشىگە يول قويماس،
سېنى ساقلىغۇچى مۈگدەپ قالماس.
4 مانا، ئىسرائىلنىڭ ساقلىغۇچىسى مۈگدەپ قالمايدۇ ۋە ئۇخلىمايدۇ.
5 سېنى ساقلىغان پەرۋەردىگاردۇر،
پەرۋەردىگار ئوڭ يېنىڭدىكى سايىۋىنىڭدۇر.
6 كۈندۈزى قۇياش، كېچىسى ئاي ساڭا زەرەر يەتكۈزمەس.
7 پەرۋەردىگار سېنى ھەر بالادىن ساقلار،
ئۇ جېنىڭنى ئامان ساقلار.
8 پەرۋەردىگار سېنىڭ چىقىشىڭنى ۋە كىرىشىڭنى
ھازىردىن باشلاپ ئەبەدكىچە ساقلار.