124
1 داۋۇد يازغان «يۇقىرىغا چىقىش ناخشىسى». ئەمدى ئىسرائىل مۇنداق دېسۇن:
«ئەگەر پەرۋەردىگار بىزنىڭ تەرىپىمىزدە بولمىغان بولسا،
2 كىشىلەر بىزگە قارشى قوپقىنىدا
پەرۋەردىگار بىزنىڭ تەرىپىمىزدە بولمىغان بولسا،
3 ئۇلارنىڭ غەزىپى ئۈستىمىزگە چۈشكەندە،
ئۇلار بىزنى تىرىك يۇتۇۋېتەر ئىدى.
4 سۇلار بىزنى بېسىپ كېتەر ئىدى،
سەللەر جېنىمىزنىڭ ئۈستىدىن ئۆتەر ئىدى.
5 سۇلارنىڭ دولقۇنلىرى جېنىمىزدىن ئاشار ئىدى».
6 ھەمدۇسانا بولغاي
بىزنى ئۇلارنىڭ چىشلىرىغا يەم قىلمىغان پەرۋەردىگارغا!
7 جېنىمىز قىلتاقچىلارنىڭ قىلتىقىدىن قېچىپ كەتكەن قۇشقاچتەك قۇتۇلدى.
قىلتاق ئۈزۈلۈپ، بىز قۇتۇلدۇق.
8 بىزنىڭ ياردىمىمىز پەرۋەردىگارنىڭ نامىدىدۇر،
ئاسمان بىلەن يەرنى ياراتقۇچىنىڭ نامىدىدۇر.