128
1 يۇقىرىغا چىقىش ناخشىسى. پەرۋەردىگاردىن قورقىدىغان،
ئۇنىڭ يوللىرىدا ماڭىدىغان كىشى
نەقەدەر بەختلىكتۇر.
2 سەن ئۆز قوللىرىڭنىڭ مېھنىتىدىن يەيسەن،
روناق تېپىپ بەختلىك بولىسەن.
3 ئايالىڭ ئۆيۈڭدە ھوسۇللۇق ئۈزۈم تېلىدەك بولىدۇ،
بالىلىرىڭ زەيتۇن نوتىلىرىدەك داستىخىنىڭنىڭ چۆرىسىدە تىزىلىپ ئولتۇرىدۇ.
4 مانا، پەرۋەردىگاردىن قورقىدىغان كىشى
ئەنە شۇنداق بەرىكەتكە ئېرىشىدۇ.
5 پەرۋەردىگار سىئوندىن ساڭا بەرىكەت ئاتا قىلىدۇ.
ئۆمۈر بويى يېرۇسالېمنىڭ باياشاتلىقىنى كۆرىسەن.
6 بالىلىرىڭنىڭ بالىلىرىنىمۇ كۆرگەيسەن.
ئىسرائىلغا تىنچ-ئامانلىق بولغاي.