136
1 پەرۋەردىگارغا ھەمدۇسانا ئېيتىڭلار، چۈنكى ئۇ مېھرىباندۇر.
ئۇنىڭ مېھىر-شەپقىتى ئەبەدىيدۇر.
2 ئىلاھلارنىڭ ئىلاھىغا ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
3 رەبلەرنىڭ رەببىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
4 يالغۇز ئۆزى ئۇلۇغ مۆجىزىلەرنى ياراتقۇچىغا ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
5 ئاسمانلارنى دانالىق بىلەن ياراتقۇچىغا ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
6 سۇلارنىڭ ئۈستىدە زېمىننى يېيىپ ئورناتقۇچىغا ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
7 كاتتا نۇرلار ياراتقۇچىغا ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
8 كۈندۈزنى باشقۇرىدىغان قۇياشنى ياراتقۇچىغا ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
9 كېچىنى باشقۇرىدىغان ئاي ۋە يۇلتۇزلارنى ياراتقۇچىغا
ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
10 مىسىرنىڭ تۇنجىلىرىنى ھالاك قىلىپ، زەرب بەرگۈچىگە
ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
11 ئىسرائىلنى ئۇلارنىڭ ئارىسىدىن چىقارغۇچىغا ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
12 كۈچلۈك قولى ۋە ئۇزاتقان بىلىكى بىلەن ئۇلارنى ئېلىپ چىققۇچىغا
ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
13 قىزىل دېڭىزنى يېرىپ ئىككىگە بۆلگۈچىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
14 ئىسرائىلنى ئۇنىڭ ئوتتۇرىسىدىن ئۆتكۈزگۈچىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
15 فىرئەۋن ۋە ئۇنىڭ قوشۇنلىرىنى دېڭىزغا غەرق قىلغۇچىغا
ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
16 ئۆز خەلقىنى باشلاپ چۆل-باياۋاندىن ئۆتكۈزگۈچىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
17 بۈيۈك پادىشاھلارنى مەغلۇپ قىلغۇچىغا ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
18 كۈچلۈك پادىشاھلارنى ئۆلتۈرگۈچىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
19 ئامورىيلارنىڭ پادىشاھى سىخوننى ئۆلتۈرگۈچىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
20 باشاننىڭ پادىشاھى ئوگنى ئۆلتۈرگۈچىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
21 ئۇلارنىڭ زېمىنىنى مىراس قىلىپ بەرگۈچىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
22 ئۇنى ئۆز خىزمەتكارى ئىسرائىلغا مىراس قىلىپ بەرگۈچىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
23 خار بولغىنىمىزدا بىزنى ئەسلىگۈچىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
24 دۈشمەنلىرىمىزدىن بىزنى قۇتقۇزغۇچىغا ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.
25 بارلىق جانلىقلارغا ئوزۇق بەرگۈچىگە ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر. ■
26 ئاسمانلارنىڭ خۇداسىغا ھەمدۇسانا ئېيتىڭلار،
چۈنكى ئۇنىڭ مېھىر-شەپقىتى ئەبەدىيدۇر.